الجزيرة: قضية الامام الصدر وخلافات القمم العربية

الرئيسية آخر الأخبار تفاصيل الخبر
calendar icon 21 اذار 2009

استضاف الاعلامي سامي كليب الرئيس اللبناني الاسبق اميل لحود ضمن برنامج "زيارة خاصة" على قناة الجزيرة، وخلال البرنامج تطرق الحديث إلى قضية الإمام الصدر، وفيما يلي المقتطفات من البرنامج المتعلقة بالإمام الصدر:

سامي كليب: في مقابل علاقاته الشخصية والسياسية الوطيدة بالرئيس السوري بشار الاسد، فإن لحود اتهم القادة العرب مرارًا بالتآمر على القضية الفلسطينية، وقد عقدت في عهده قمتان في بيروت، واحدة للفرانكوفونية والثانية للعرب. وقبل ان يأتي القادة العرب الى لبنان ويتبنوا المبادرة السعودية للسلام مع إسرائيل حصلت مشكلة مع الزعيم الليبي معمر القذافي ذلك ان قضية اختفاء الامام الشيعي موسى الصدر بعد لقائه العقيد في ليبيا أواسط سبعينيات القرن الماضي لم تحسم بعد، طرابلس تقول انه اختفى في ايطاليا وبعض القادة الشيعة في لبنان يقولون انه اختفى في ليبيا، ولذلك احتج القذافي على نقل القمة العربية من الاردن الى لبنان.
اميل لحود:
نزلت دغري لقيت الرئيس القذافي قاعد هو وابو عمار عم يحكي معه وكان في اثنين رؤساء، دغري رحت له، قلت له انت بتحكي عن العرب ولبنان الدولة الوحيدة يللي حررت ارضها، ما بدك تجي على لبنان؟ وقف هيك قال لا، لا،لا معك حق. كان وقتها قذاف الدم، قال له قذاف الدم رايحين علبنان، بس ممكن احكي معك؟ قلت له تفضل، قال لي هيدي القصة -تبع

سامي كليب: الامام الصدر.
اميل لحود:
المرحوم الامام يما بلكي بقيد الحياة، الامام موسى- انه ما فينا نتعداها؟ قلت لا ما فينا نتعداها شغلة وطنية هيدي، هيدي اهم شيء عنا مش قضية نبيه بري وغيره ولكن بدنا نعرف المصير وهيدي الطريقة انه يصير في حكي جدي، قال لي طيب انا مستعد ابعث قذاف الدم، انت فيك؟ قلت له انا بأبعث كمان من قبلي، قال لي هلق رح يجي الرئيس بشار فيك تحاكيه؟ قلت له اكيد بيبعث حدا ومن ايران بيكون في حدا -لأنه وقتها الرئيس خاتمي كان كمان عم بيسألنا عن الإمام لأنه في قرابة ومدري شو- وعلى اساس بينعمل اجتماعات رباعية انه بالتفصيل شو صاير، بلشت اول انحكى اول يوم ثاني يوم بالموضوع وبالآخر ما بعرف لأي اسباب بطلوا هم يحكوا فيه. هلق تاكفي لك هو..

سامي كليب (مقاطعا): كيف ما بتعرف؟
اميل لحود:
ما بعرف لأنه انا كفيت بالمساعي وقتها كمان يجي ابنه للامام ونحن منحترمه ومنقدره وانه... طيب بدنا نعرف شو اللي عم يصير ويعني انعمل المستحيل تيصير اجتماعات وكذا، هلق بتقول من وين تخربطت؟ في البعض اكيدة بليبيا بلكي ما بده انه ينعرف اما بده ينعرف ما بعرف بس مش متحمسين والبعض بلبنان مش متحمسين، للاسف، عم اقول لك...

سامي كليب: حتى من الشيعة؟
اميل لحود:
في البعض من لبنان، انا اللي بدي اقوله انه نتيجتها كانت انه ما عادش حدا يحكي فيها، ضلينا لآخر شيء حتى وقتها من بعدها صار الاغتيال وراحت القصة وما عادش حدا يحكي فيها.

source