رسالة (فيديو) من السيدة مليحة موسى الصدر الى والدها الإمام و ...

الرئيسية آخر الأخبار تفاصيل الخبر
calendar icon 25 آب 2017 الكاتب:مليحة الصدر

رسالة (فيديو) من السيدة مليحة موسى الصدر الى والدها الإمام و ...
بسم الله الرحمن الرحيم...
بطلب عزيز من الصبايا والشباب، طلبوا مني أنه ابعتلكم رسالة. وبصراحة فكّرت أنه هيدي الرسالة خلّيني ما حضّرها؛ قولها متل ما هيِّ، لأنه أنتو كتير قراب، حتى لو ما عم نلتقي واحد واحد فيكم.
ابني موسى كان عمره 3 سنين، شاف صورة لجده على الكمبيوتر قرّب باسها، قلت له موسى هلق جدو بيحس؛ بيقول مين اللي باسني؟ للحظات... ما فيني اتذكر شو صار فيه، كتير تأثر وسألني، قال لي بيكون حس جدو أنه أنا بسته؟ موسى هلق صار عمره 18 سنة ورباب صار عمرها 20 سنة يعني متل اعماركم انتو؛ الشباب اللي كتير الإمام فيه امل فيهم وبيحبهم وبيشوف فيهم المستقبل والتغيير والإصلاح والنشاط والشجاعة والعلم والإيمان الحقيقي والوصول إلى الله.
نحنا هلق رح نصير 39 سنة على غيابك، مؤلم، مؤلم 39 سنة، 39 سنة ايام وساعات واوجاع وافراح واخفاقات ونصر وتحرير وحرب وناس راحت وناس خلقت، أملنا بالله كتير كتير عنا كتير قصص بتعطينا امل، نحنا منعرف أنه انت بمكانٍ ما ناطر، ما قدرنا نعمل شيء، ليطول هالغياب هلقد! 39 سنة ناطر، إن شاء الله تكون راضي عن اللي عم نعمله على القيلية بالمجالات الخدماتية يعني، لإلك ما قدرنا نعمل شيء، دعائي هالإيام من ناس بالحاج، انه أنت يعمل شيء لتقدر ترجع، نحنا ما قدرنا نعمل شيء، منحبك كتير الله يحميك وإلى اللقاء قريبًا إن شاء الله.

source